سياسة الخصوصية — حلم الطفولة
آخر تحديث: 13 نوفمبر 2026
«حلم الطفولة» لعبة محاكاة لمسيرة لاعب كرة قدم مصري، بتتلعب بالعربي. السياسة دي بتشرح إيه البيانات اللي بنجمعها، ليه، وإزاي تتحكم فيها. بنحاول نجمع أقل قدر ممكن.
اللعب كضيف
تقدر تلعب من غير ما تعمل حساب. في الحالة دي كل تقدمك بيتحفظ على موبايلك بس، ومش بنستلم اسمك ولا سيفاتك. لو مسحت اللعبة أو غيّرت الموبايل، السيف بيضيع.
البيانات اللي بنجمعها
| البيان | إمتى | ليه |
|---|---|---|
| إيميل واسم وصورة حساب جوجل | لما تسجّل دخول بجوجل (اختياري) | عشان نعرّفك على حسابك ونربط سيفاتك بيه |
| سيفات اللعبة (اسم اللاعب اللي بتكتبه، التقدم، القرارات) | لما تسجّل دخول وتشغّل الحفظ السحابي | عشان تكمّل من أي موبايل وما تخسرش تقدمك |
| معرّف عشوائي للجهاز، رقم نسخة التطبيق، نظام التشغيل | عند فتح التطبيق | عشان نعرف عدد الأجهزة والإصدارات ونقرر التحديثات الإجبارية. المعرّف عشوائي ومش مربوط باسمك |
| معرّف الإعلانات وبيانات الجهاز التقنية | لو شاهدت إعلان | عن طريق Google AdMob لعرض الإعلانات (اختيارية دايماً) |
مش بنجمع موقعك الدقيق، ولا جهات اتصالك، ولا ميكروفونك، ولا صورك.
الإعلانات
اللعبة ممكن تعرض إعلانات مكافأة اختيارية (بتختار تشوفها مقابل مكافأة جوه اللعبة). بنستخدم Google AdMob، وجوجل ممكن تستخدم معرّف الإعلانات على جهازك حسب سياسة خصوصية جوجل. تقدر تقفل تخصيص الإعلانات من إعدادات أندرويد (جوجل ← الإعلانات).
مين بيشوف بياناتك
بياناتك بتتخزن على سيرفراتنا ومش بنبيعها ولا بنشاركها لأغراض تسويقية. بنستخدم مزودي خدمة فقط للتشغيل: استضافة السيرفر، وGoogle (تسجيل الدخول والإعلانات).
مدة الاحتفاظ وحذف بياناتك
- السيفات والحساب بيفضلوا لحد ما تحذفهم.
- تقدر تحذف حسابك وكل سيفاتك نهائياً من جوه التطبيق (الحكايات ← الحساب ← حذف الحساب)، أو من صفحة حذف الحساب.
- الأجهزة المسجّلة بمعرّف عشوائي بنمسحها دورياً لو بطلت تفتح اللعبة.
الأطفال
اللعبة موجّهة للمراهقين والكبار (13 سنة فأكتر). بطل القصة طفل في اللعبة، لكن ده مش معناه إن اللعبة موجهة للأطفال. مش بنجمع بيانات من أطفال تحت 13 سنة عن قصد؛ لو عرفت إن طفل سجّل حساب، ابعتلنا ونمسحه.
الأمان
الاتصال بالسيرفر بيتم عبر HTTPS. جلسات الدخول بتنتهي تلقائياً وبتتجدد بمفتاح بنخزّن منه بصمة بس.
حقوقك
تقدر تطلب نسخة من بياناتك أو تصحيحها أو حذفها في أي وقت عن طريق التواصل معانا.
تغيير السياسة
لو غيّرنا السياسة هنحدّث التاريخ فوق وننبهك في التطبيق لو التغيير جوهري.
تواصل معانا
أي سؤال عن الخصوصية: support@example.com
Privacy Policy — Childhood Dream
Last updated: 13 November 2026
Guest play: you can play without an account; progress then stays on your device only and we receive nothing.
Data we collect: (1) if you sign in with Google: email, name and profile picture; (2) cloud save slots you choose to sync (the player name you type, progress and decisions); (3) a random device identifier, app version and OS to count devices and manage updates; (4) advertising ID and technical device data via Google AdMob if you watch an optional rewarded ad. We do not collect precise location, contacts, photos or microphone data.
Sharing: we do not sell your data. Service providers: server hosting, and Google (sign-in and ads).
Retention and deletion: data stays until you delete it. Delete your account and all saves in the app (Stories → Account → Delete account) or at /delete-account.
Children: the game is intended for users aged 13 and over and does not knowingly collect data from children under 13.
Contact: support@example.com